Sailngeez xaaux masmanc
Sailngeez xaaux masdaauz
Nongzseenz xaaux hauxhaaul hauxweangc
Xeeuhgoons beangz rauz fih xaaux ramx
Yah Linfpof xaaux rinl
Dinl daz myaanx banz
Linfpof xaaux mbosramx qyus jaangl byal
Xocweangz xaaux naz xos jaanglniangh
Xeeuhgoons nadhaux saauh nad guans
Biangzhaux saauh ndanlmbees
Bux lacdih yeeus nadhaux miz xiangz
Nadhaux daausbail mbenl
Rogyahwih daaus bail ndaix dauc
Dez bail gaail saaml jeex mauc Lacroh
Boh guehbeans ndaix mal
Ndaux saaml singl hauxgas
Dez mal mas wanljac
Saaml ngonz qyus ndael ramx
Ngonz ndeeul bomc ndael hes
Nadhaux dos yeeuc mal
Nadhaux dos nasgais
Raaus bail rais genz ramx gueh reengz
Haux bail yiangh genz naamh
Ndaix saaml hoobt ngihhac
Jac lamxleenh basjiml
Jac lamxlinz gveensfih
Xiez rohraanz bail seenc
Buxjees logt gueh gol
Buxxoz deemc gueh midt
Ndaix saaml hoobt ngihhac
Jac lamxleenh dingh xoongz
Dinl bail laangl lacgogt
Rogtbguad bail ngihrogt
Hanz genz banz xos xax
Hanz lac banz xos liamz
Xadtnguad haux banz muc
Gucnguad haux aanglndingl
Rauz dez daux faixjungl bail loih
Rauz aul singl faixloic bail loih
Hauxjabt das gueh xoic
Doic mal eeux mal yianz
Xiez xazlaanl mal ndiangs
Baaih laez lix masndol
Bol laez lix daabtnaamh
Daabtnaamh xaaux laucwaanl
Mbaelmbaangl xaaux laucuns
Gaul masbingc qyus baangxbyal
Gaul jimzhaz xih qyus baangxguanx
Jiez aul bos soongl bos
Logt aul rah soongl rah
Dez mal rah genz baaml
Xiez xazlaanl mal ndiangs
Saaml sis yah dauc raix mbal
Saaml sis yah mal ruaf bingc
Raix banz saamlxib ndanl duez bux
Ruaf banz gucxib ndanl duez meeh
Dez bail mogt xos xoongh
Saaml hadt rauz bail qyox
Hac ngonz rauz bail aul
Mas dauc naul bail leeu
Ngonz laez ndil xaaux lauc
Fad sanl ndil xaaux lauc
Mauc xiz ndil xaaux mas
Rogjadtlih xaaux doix
Yah Lungfbef xaaux mas
Yah Doonglhangl xaaux lauc
Daabtnaamh xaaux laucwaanl
Mbaelmbaangl xaaux laucuns
师厄造李子
师厄造桃子
农贤造谷米
从前咱乡未造水
林婆奶奶造石头
脚一踩就成口井
造水岩中出
祖王平地上造田
从前米粒像罐大
谷壳有那瓢儿大
人们不爱惜粮食
谷米就回天上去
云雀又去叼回来
拿到拉外去卖
父亲去做生意买回来
得三升稻谷
拿来泡秧种
泡在水里浸三天
一天滤干了
谷粒发出芽
谷芽长像鸡箭样
用耙子把田打平
把谷粒撒在田土上
待到三场二十五
瞬息秧针出水面
秧高齐田坎
约家族去移栽
老人一棵一棵扯
青年一把一把插
得了三场二十五
秧苗发了蔸
用脚薅根部
到了六月二十六
割掉上坎草
割掉下坎草
七月谷子熟
九月稻谷黄
咱扛青扛斗去挞
咱要吊竹斗去挞
谷把晒成一排排
挑进囷进仓
叫小孩们来舂
何方有酒药
哪座山有兔耳风
兔耳风造酒才甜
酒药叶造酒方醇
酒药藤长在悬岩上
徐长卿在陡坡上
一处采一两棵
扯一两根
拿来晾在楼上
叫小孩子来舂
妇女们来滚药丸
妇女们来捏药饼
滚成三十颗雄珠
捏成九十颗雌的
拿去盖在簸箕里
三朝我们去看
五天我们去取用
酒药已经生霉了
哪天好造酒
羊猴两天好造酒
卯辰两天好造酒药
鹡鸰鸟造碗
龙伯奶奶造酒药
东行婆婆来造酒
兔耳风造甜酒
酒药叶造醇酒
【选自《布依族古歌》（贵州民族出版社）收集、整理：韦永奎 演唱人：罗老发】