Nyaob nzhik drongb muax ib lob raol Hmongb,hot uat Hmongb Lind, houd raol muax ib dol boub dangb tab shab rongt lek Hmongb mit ncaik,nil lob nbit hot Ab Ncaik.Nil duax touk yout douf hnaod dex loul haik ndrout rongd lek cuat zhangd dlex nof,houd shab doub sangd mol nuaf cuat haid nens lek zox jit.Nil duad changx sheud nyaob nzhik drongb,shaib qeut dleb lek cuat lob raol,shab sangd:"Yaos das muax ib dol hluab,muab cuat zhangd haid nens lob raol zuak uat ib ged,jat duaf cix mol mol lol lol,uat nad zhes rongt hend das!"

Ib hnob,ib dol nbit hot Ab Shanb lek Shuad hluak ndrous duax zos Hmongb Lind,nil wef ntrad ib zhangd guab lol kot nil naf.Ab Ncaik shod shad bangb dout nil,hax xik nil mol ntrad dout zhangd guab nad leuf.Aob dol yenb wef mol mol lol lol,zhes douf uat rongt gud luas leuf,Ab Ncaik tab nil haik lob shab sangd seub dol hluab lek sangd fuax.

Ab Shanb drous Ab Ncaik lek sangd fax haik zos ndruab shab mol leuf,zad zif ndroux nghel lol bangb nil.Nil nbaox ib ged mol nos Dongx cux tab Yid lek ged zux ged loul,tab cuat zhangd haid nens dob zeux geuf seub hluab lek zox jit.Dongx cux lek zux loul khat seub hluab lek deut del,Yid lek zux loul sangt seub hluab lek cuat zhangd reb ndongt. Cuat zhangd haid nens dex hluak ngoux hluak ndrous lal duax bangb dreuf,duaf cix ib ged shid ros dongf del seub hluab.

Duaf cix ib ged shid shab shid ros, ib dol naf hluab seub rongt del.Douf nyaob hluab seub rongt lek hnob id,Ndox bel lel muax ib dol rangx houk dlex,rangx houk dlex lek dluab det nchik dol hluab ,muab hluab drouk uat cuat zhangd yanx sex ndrous renl ndrenl .Uat nad,dol hluab nad douf drik nbit uat "hluab ndrous".

Naf hluab seub rongt del,cuat zhangd haid nens lek nenb mol mol lol lol .Hmongb、Shuad、Dongx cux、Yid dex nenb duad changx shik ghongd nyaob shout naf hluak,ib nbaox nyaob uat ib ged shik buad zox jit、shik buad naox hnangd、hot ngoux tab tlat ngoux ,dol naf hluab zhit dangb zuak dout daox drongb tab dlex hangd,lal zuak dout cuat haid nens nenb lob shab.

从前，在山岭上有一个苗族居住的寨子——蒙岭，蒙岭住着一位聪明善良的苗族姑娘，名叫阿彩。她从小就听老人们讲述山外的世界，心中充满了对各族文化的向往。她常常站在山顶，望着远处的村寨，心想：“如果能有一座桥，连接各族村寨，让大家自由往来，那该多好啊！”

一天，一位名叫阿山的汉族青年来到蒙岭，他是为了寻找一种珍贵的草药来救治生病的母亲。阿彩热情地帮助了他，并带他找到了草药。两人在相处中成为了好朋友，阿彩向阿山诉说了自己修建桥梁的愿望。

阿山被阿彩的想法深深打动，决定留下来帮助她。他们一起走访了侗族和布依族的村寨，向各族长老请教建桥的方法。侗族的长老提供了建造桥梁的技术，布依族的长老则贡献了坚固的材料。各族青年也纷纷加入，大家齐心协力，开始修建桥梁。

经过大家的努力，一座美丽的桥梁终于建成了。就在桥梁完工的那一天，天空中突然出现了一道彩虹，彩虹的光芒洒在桥上，将桥梁染成了七彩的颜色。从此，这座桥被称为“彩虹桥”。

彩虹桥建成后，各族村寨之间的往来变得方便起来。汉族、苗族、侗族、布依族的人民经常在桥上相聚，交流文化、分享食物、唱歌跳舞。彩虹桥不仅连接了山川河流，也连接了各族人民的心。

（文\译：吴铁秀 译审：罗兴贵）