Dal ndeeul henc bailsaangl,

Bians danglngonz guanc ngonz.

Dal ndeeul riangz bail xians,

Bians roonghndianl guanc hamh.

Ndos saans mauxbol gugt*,

Noh zead* ndanlbeangz gvaangs.

Benl banz ndongl dauc faix,

Saic hungl banz Huangfhof,

Saicraiz* xos Cangfjiangy,

Liad mbinl jiangs* ndaaulndis.

Fufxiy xaaux wanl wenz,

Senfnungf xaaux wanl haux.

Saaml weangz guanc mbenldih,

Hac diq guanc ndanlbeangz.

Xeeuhgoons wenz henc mbenl,

Binl golais bailgenz.

Mbenlweangz bail fanz doons,

Doons ronl wenz henc mbenl.

Dax wenz dauc lix fead,

Lumc romh fead dauc mbenl,

Zenz mbenl xibngih xangz,

Xumz dih xibngih xangz.

Gvas dangz xeeuh Basyees*,

Zef banl jis bail gal.

Weangz Yees* langh* xaaux xul,

Guanc hefyangf ndanlbeangz.

Beangz lix Has langl Yeeuz,

Youq lix Qyaix langl Yeeuz,

Xingl jeenl xaaux ndanlbeangz,

Dax* reengz xaaux wenzbeangz.

Wenz rauz gungh ndanl mbenl,

Maic jaiz maamh bix* meeh.

Maic jaiz mbenl bix* boh,

Wenz rauz xos saangl naamh,

Wenz miz soil zex* lamx,

Miz wenlramx zuangc* gvas,

Miz ndanldas* zuangc* daaux?

Miz genl haux banz faangz.

Deel wenzbeangz ndanlraanz,

Raanz wangh* laez miz ngaaih?

Deel wenzbeangz ndanlyiz,

Maic ndilndil dauc baauc,

Ndilndil baauc faanh xeeuh,

Ndilndil qyus faanh daaih.

Xeeuhgoons langl xeeuhndux,

Xeeuhgoons fih xaaux weac,

Xeeuhndux fih xaauh mbenl,

Fih xaaux mbenl langl dih.

Sip ndael xaaux mbenlndanl?

Sip ndael xaaux danglngonz?

Sip ndael xaaux roonghndianl?

Xaaux bol hungl beangz gvaangs?

Xaaux dah hungl dah nduams?

Xaaux ndanlndongl dauc faix?

Aul faixais zaangc* mbenl?

Mbenl lix saauhlaez saangl?

Saangl ndanl saauhlaez gvaangs?

Mengz gaangc mongs gul nyiel,

Mengz jis xaaux gul rox.

Mbos saangl ramx mal jail,

Faix gogtrah deel raiz,

Dah hungl ramx mal ndaaux,

Faix laaux rah deel laail.

Xeeuh buxsaail deel nauz,

Xeeuh buxlaaux deel lenh.

Mbenlndanl lumc jais gais,

Deezgeangx daiy zungygaangl*.

Gaangc deel mac xigtsaaml,

Zangj ndanl mbenl xigthac,

Deezgeangx mac bas xiangh,

Zangj ndanl mbenl yaangz nduams.

Weed* fengz beangz zex* gvaangs,

Xams dinl dih zex* needt,

Jinj zaangc* deel rox naais,

Xaaux faixais deeml zaangc*.

Deezgeangx mac faanh xiangh,

Golais mac yaangz zaangc.

Gegt mbaul henc bailsaangl,

Bians mbenl lux* mbenl yeeul,

Gegt* ndagt xiaoy baillac,

Las banz rinl langl naamh.

Faixais xibsaaml gagt*,

Zaangc* mbenl xibngih xangz;

Rag* ais xibsaaml dangx,

Goodt dih xibngih xangz.

Deezgeangx qyus faanh bil,

Faanh bil daausbail beangz,

Deezgeangx qyus faanh zaij,

Faanh zaij yif rox lamx.

一眼升上天，

变太阳照白天。

一眼跟着转，

变月亮照晚上，

骨散山坡阔，

肉化大地宽。

毛成长木林，

大肠成黄河，

小肠为长江，

血飞凝成星。

伏羲造人烟，

神农传五谷。

三皇管天地，

五帝管人间。

从前人登天，

爬黑竹上去。

天皇砍断竹，

断人登天路。

人若长翅膀，

像老鹰飞天，

登天十二层，

览地十二层。

到了百越时，

部族有分支。

夜郎王造城，

管黑羊大箐。

有汉族苗族，

布依各民族，

携手建人间，

齐力建家园。

咱们共个天，

爱天如爱父，

咱们在人间，

爱地如爱母。

人无空气倒，

无雨水咋过？

没太阳咋活？

不吃饭饿死。

人间有房子，

房子谁不爱？

大地像仓库，

要好好保护，

护好住万世，

保好居万代。

从前和开初，

从前无云雾，

开初未造天，

没有天和地。

是谁造天地？

是谁造太阳？

是谁造月亮？

造高山大地？

造大河长江？

造山林长树？

拿黑竹撑天？

天有多少高？

地有多少宽？

你讲我来听，

你说我知道。

井高泉水远，

树大根子长，

河大水来远，

树老根须多，

前辈这样说，

老人这样讲。

天地像鸡蛋，

德罡生中间。

讲他长尺三，

天地涨尺五，

德罡长百丈，

天地涨得大。

挥手地就宽，

跺脚地则紧，

紧撑他会累，

造黑竹帮撑。

德罡长万丈，

黑竹照样撑。

轻的往上升，

变蓝天青云，

重的往下沉，

垮成泥和石。

黑竹十三节，

撑十二层天；

竹根十三段，

拱地十二层。

德罡活万岁，

万岁要回归；

德罡活万载，

万载也会倒。

【选自《布依族古歌·上卷》（贵州民族出版社）；收集整理：黎汝标 演唱人：黎国举】